California ના los angeles સિટી ના પેસિફિક પેલિસેડ્સ વિસ્તારમાં મંગળવાર, 7 જાન્યુઆરીના રોજ સવારે 10:30 વાગ્યે (સ્થાનિક સમય) શરૂ થયેલી જંગલની આગ વિનાશક સાબિત થઈ રહી છે. આ આગે સંકટનો ભયજનક માહોલ સર્જી દીધો છે, અને આકરા પવનથી આગ વધુ ઝડપથી ફેલાઈ રહી છે.
પ્રચંડ આગ અને ઇવેક્યુએશન:
આગના કારણે લગભગ 30,000 લોકોને તેમના ઘરો છોડી દેવા મજબૂર કરાયા હતા, અને 10,000 થી વધુ ઘરો જોખમમાં મુકાયા છે. CBS ન્યૂઝ અનુસાર, પેસિફિક પેલિસેડ્સમાં આ આગ મંગળવારે 3,000 એકરથી વધુ વિસ્તારમાં ફેલાઈ ગઈ હતી. los angeles ફાયર વિભાગે જણાવ્યું કે પેલિસેડ્સમાં 1190 નોર્થ પીડ્રા મોરાડા ડ્રાઇવ નજીકથી આગનો આરંભ થયો હતો.
પવનના કારણે ઝડપથી ફેલાવો:
જોરદાર પવનની ગતિ 40 માઇલ પ્રતિ કલાકથી વધુ હોવાથી આગ ઝડપથી ટેકરીઓમાં ફેલાઈ રહી છે. સાંજે 6:30 વાગ્યા સુધીમાં, આગે 2,921 એકર જમીનને બળીને ખાખ થઇ ગઈ હતી, અને આ વાવાઝોડાની સ્થિતિને કારણે los angeles કાઉન્ટીમાં કટોકટીની સ્થિતિ જાહેર કરવી પડી છે. ગવર્નર ગેવિન ન્યૂસમે આ અંગે જણાવ્યું કે, “અમે હજુ પણ સંકટમાંથી બહાર નથી.”
અસર અને બચાવ ના પ્રયત્નો:
આગના કારણે ટ્રાફિક જામ થયો હતો, અને ટોપાંગા કેન્યોન બુલવાર્ડ નજીક પેસિફિક કોસ્ટ હાઇવે સંપૂર્ણપણે બંધ કરી દેવાયો. los angeles ફાયર વિભાગે આશરે 30 વાહનો છોડી દેવામાં આવ્યા હોવાની જાણકારી આપી. કેટલાક વાહન ચાલકોને પોતાનું વાહન છોડીને સુરક્ષિત સ્થળે ચાલીને જવું પડ્યું.
માનવ જીવન અને નુકસાન:
પ્રમુખ જો બાઈડને એક નિવેદનમાં જણાવ્યું હતું કે તેઓ રાજ્ય અને સ્થાનિક અધિકારીઓ સાથે સતત સંપર્કમાં છે. “આગને ઓલવવામાં મદદ કરવા માટે કોઈપણ સંઘીય સહાય ઉપલબ્ધ છે,” એમ તેમણે ઉમેર્યું. લોસ એન્જલસ ફાયર વિભાગે કેટલાક લોકોના જીવ ગુમાવવાના અહેવાલો આપ્યા છે, જ્યારે એક ફાયરફાઈટર માથાની ગંભીર ઈજાને લીધે સારવારમાં છે.
સ્થાનિક રહેવાસીઓ ને અસર:
સ્થાનિક રહેવાસી ક્રિષ્ના ચૌધરીએ જણાવ્યું કે, “મારા બેકયાર્ડમાંથી જ્વાળાઓ સળગતી જોઈ શકતા હતા, અને તે માત્ર એક ક્ષણિક ઘટના જેવી લાગતી હતી.” ચૌધરીએ કહ્યું કે આ આગ ધુમાડાની લહેરથી શરૂ થઈ અને થોડી જ વારમાં બધે જ્વાળાઓ છવાઈ ગયાં.
આ જંગલની આગે કેલિફોર્નિયામાં અત્યંત ભયજનક પરિસ્થિતિ ઊભી કરી છે. ફાયરફાઈટર્સ અને સંસ્થાઓ દ્વારા સતત પ્રયાસો થઈ રહ્યા છે, પરંતુ આકરા પવનને કારણે આગ પર કાબૂ મેળવવો મુશ્કેલ બની રહ્યો છે. “અમે એકસાથે આ સંકટને પાર કરીશું,” તેમ પ્રમુખ બાઈડને જણાવ્યું હતું.
